Биз ҳақимизда

Инсон тараққиёти концепциясига кўра, айнан инсонлар миллатнинг ҳақиқий бойлиги ҳисобланадилар. Инсоларга нафақат жамиятни ижтимоий-иқтисодий юксалтиришга эришиш воситаси, балки унинг бош мақсади сифатида қаралиши лозим. Юксалишнинг якуний мақсади ва бунда муваффақиятга эришганлик кўрсаткичи — одамларнинг танлаш имкониятларини кенгайтириш, уларнинг эркинликлари, узоқ ва соғлом ҳаёт кечириш, билимлардан фойдалана олиш ва муносиб даражада турмуш кечириш имкониятларини рўёбга чиқаришдан иборатдир.

Инсон Тараққиёти Концепцияси одамларнинг эркинликларини кенгайтиришга — улар қадрлайдиган имкониятларни амалга оширишга, ва одамларга бизнинг умумий сайёрамиздаги ривожланиш жараёнида фаол иштирок этиш имконини беришга қаратилгандир. Концепция ушбу мақсадларга адолат, маҳсулдорлик, барқарорлик ғояларига ва бошқа асосий тамойилларга асосланган усуллар орқали эришишга йўналтиради.

Ушбу концепцияни яратишда ҳинд иқтисодчиси, Нобель мукофоти лауреати Амартия Кумар Сеннинг илмий асарлари, шунингдек покистонлик таниқли иқтисодчи Маҳбуб ул Ҳақ улкан ҳисса қўшдилар.

Маҳбуб ул Ҳақ 1990 йилда БМТТД томонидан илк бор тайёрланган «Инсон тараққиёти ҳақида маъруза"нинг ташаббускори ва муаллифларидан бири бўлди. Шундан бери мазкур нашр ҳар йили чоп этилиб келинмоқда. Боз устига, деярли жаҳондаги барча давлатларда ҳар йили Инсон тараққиёти концепциясига асосланган ўз минтақавий ҳамда миллий маърузалари тайёрланмоқда ва чоп этилмоқда. 2008 йилгача 143 та мамлакатда инсон тараққиёти жараёнини акс эттирувчи 600 дан ортиқ глобал, минтақавий ва миллий маърузалар эълон қилинган. Ушбу маърузалар  билан www.hdr.undp.org сайтида танишиш мумкин.

Бугунги кунда Инсон тараққиёти концепцияси жамоатчилик арбоблари, халқаро ташкилотлар, академик доиралар, оммавий ахборот воситлари, фуқаролик жамиятининг диққат марказида турибди ва аста-секин мамлакатимизда ҳам тан олинмоқда. Хусусан, БМТТДнинг «Инсон тараққиёти концепциясини амалиётга жорий этиш сиёсатини шакллантириш жараёнига жалб этилган ўқув юртлари ва муассасаларининг салоҳиятини ошириш» номли лойиҳаси Ўзбекитонда Инсон тараккиёти концепциясини кенг ёйиш борасида фаол иш олиб бормоқда. Лойиҳа ҳақидаги батафсил маълумотни бу ерда кўриш мумкин.